• Баш бит
• Чемпионат
• Команда
• Чемпионат илчеләре

Чемпионат илчеләре

• А
• Ә
• Б
• В
• Г
• Д
• Е
• Ё
• Ж
• Җ
• З
• И
• Й
• К
• Л
• М
• Н
• Ң
• О
• Ө
• П
• Р
• С
• Т
• У
• Ү
• Ф
• Х
• Һ
• Ц
• Ч
• Ш
• Щ
• Ъ
• Ы
• Ь
• Э
• Ю
• Я

• Алинә Гыйззәтуллина

  “Нәүрүз гүзәле” республика конкурсы җиңүчесе. “Татар кызы – 2014” Беренче Бөтенроссия матурлык фестивале җиңүчесе. Казан (Идел буе) федераль университеты, Идарә, икътисад һәм финанслар институты студенты, табигатьне саклау һәм сулыкларны файдалану белгечлеге буенча укый. 

  

  “Мин – волонтер” Уфа волонтерлар командасына нигез салучыларның берсе.

• Александр Самокутяев

  Сынаучы-космонавт. Россия Герое. “Союз” корабльләре командиры сыйфатында ике космик очыш ясаган (гомуми озынлыгы - 331 көн, 11 сәгать 39 минут) һәм ачык космоска 3 тапкыр чыккан (гомуми озынлыгы 13 сәгать 45 минут дәвамында) кеше.  

  

  Казансу суы тутырылган капсуланы ХКС орбитасына илтеп җиткергән "Союз ТМА-14М" космик корабле экипажы әгъзасы. 

• Антон Салакаев

  Эшчәнлеген 1998 елда башлап җибәргән "Волга-Волга" төркеменә нигез салучы һәм аның сәнгать җитәкчесе. Коллектив хәйрия акцияләрендә катнаша, мәктәпләрдә, балалар йортларында чыгышлар ясый. "Волга-Волга" төркеме авторлар язган җырларны да, совет киносының музыкаль әсәрләрен дә, кавер-версияләр һәм популяр мелодияләрне дә башкара. Төркем елына 200 ләп концерт бирә. 

  

  Мәктәптә укыган елларында Антон су полосы белән мавыккан, шул мавыгуы аңа үзендә чыдамлылык тәрбияләргә булышкан. 

• Артем Сильченко

  Россиянең танылган хай-дайверы. Суга сикерү буенча Россия чемпионы (2001), хай-дайвинг буенча дөнья чемпионы (2006), “Red Bull Cliff Diving - 2013” дөнья сериясендә җиңүче, Барселонадагы 2013 елгы Су спорт төрләре буенча ФИНА дөнья чемпионатында 6 нчы урынны алд. Казандагы 2014 елгы хай-дайвинг буенча ФИНА дөнья кубогында 4 нче урынны алды. Казанда 2015 елда узган Су спорт төрләре буенча дөнья чемпионатында бронза медаль иясе. Хай- дайвинг һәм клифф-дайвинг буенча халыкара турнирларда күп тапкыр җиңүче һәм призер. Су шоулары артисты.

   

  

  Редбулл клифф-дайвинг (Red Bull Cliff Diving) дөнья сериясендә чемпион титулына Артем Сильченко 27 метр биеклектәге арткы басмадан кулларда 2,5 кат әйләнешле винт ясап һәм 2,5 әйләнеш белән суга “сукыр” сикерү нәтиҗәсендә ия булды.

• Владимир Сальников

  Танылган совет чоры йөзүчесе, дүрт тапкыр олимпия чемпионы, күп тапкыр дөнья һәм Европа чемпионы, дөнья рекордчысы. ССРБның атказанган спорт мастеры (1978), “Экран” спорт мәктәбендә (Санкт-Петербург) тәрбияләнүче, ЦСКА өчен чыгышлар ясаган. 2010 елның февраленнән – Бөтенроссия йөзү федерациясе президенты. Барлык Совет/Россия йөзүчеләре арасында олимпия алтын медальләре саны буенча (4әр медаль) рекордлыкны Александр Попов белән бүлешә. Ленинградта П.Ф.Лесгафт ис. физик культура иститутын тәмамлаган (1981). Бөтенроссия йөзү федерациясен җитәкли.

  

  Үзенең спорт карьерасында “су монстры”, “тимер кеше”, “нервларсыз кеше”, “рекордлар машинасы”, “бөек Сальников” кебек эпитетларга ия.

• Владислав Бабичев

  Россия волейболчысы. Казанда туып-үскән. 15 елдан бирле Казанның “Зенит-Казан” волейбол клубы данын яклый. Шушы еллар эчендә команда белән бергәләп мөмкин булган барлык трофейларны алып бетергән. Россиянең җиде тапкыр чемпионы, Чемпионнар Лигасының өч тапкыр җиңүчесе, дүрт тапкыр Россия Кубогы иясе. 

  

  “Чемпионат - 2015 илчесе бул” шоуында җиңеп илче булган. 

• Глеб Гальперин

  Россиянең суга сикерүчесе, Россиянең атказанган спорт мастеры, Россиянең атказанган тренерлары Сергей һәм Раиса Гальпериннарның улы. 2008 елгы Олимпия уеннарында каланчадан суга сикерү буенча ике тапкыр бронза призеры, ике тапкыр дөнья чемпионы(2005, 2007), ике тапкыр 2006 елгы Европа чемпионы, күп тапкырлар Россия чемпионы.

  

  Беренче каналда “Каланча” (“Вышка”) телевизион проектында катнашучылар тренеры.

• Дмитрий Саутин

  Совет чоры һәм Россиянең суга сикерүчесе, ике тапкыр олимпия чемпионы, суга сикерүдә тарихта бердәнбер 8 олимпия бүләге иясе. Россиянең атказанган спорт мастеры (2000). Бүгенге көндә суга сикерү буенча Бөтенроссия Федерациясенең вице- президенты һәм Воронеж өлкәсе Дума депутаты.

  

  Казандагы 2013 елгы XXVII Бөтендөнья җәйге Универсиада кысаларында гамәлгә ашырылган “2013 елгы Универсиада илчеләре” программасында катнашучы.

• Дмитрий Шиллер

  Татарстан Республикасында Рус география җәмгыяте бүлеге рәисе. Россия су асты федерациясе фәнни комитетында волонтерлык программасы җитәкчесе. "Салкын Полюс"та кешенең су төбенә беренче тапкыр төшүе, "Салкын Полюс"та кешенең су төбенә  иң тирән төшүе, аквалангчыларның Антарктидада су төбенә иң тирән төшүе, аквалангчыларның Поляр аръягында су төбенә иң тирән төшүләре буенча дөнья рекордлары куйган. Татарстан Республикасы Су асты спорт төрләре федерациясе рәисе. 

  

  Казансу суы тутырылган капсуланы 2015 елның июлендә Баренц диңгезе төбенә төшереп менгергән экспедиция җитәкчесе. 

• Егор Крид

  Pop/R&b башкаручы, Black Star Inc музыкаль лейблы артисты. Әйдәп баручы барлык радиостанцияләр эфирлары һәм хид-парадларына эләккән "Самая самая” хиты авторы һәм башкаручысы, әлеге композициягә клип исә интернетта абсолют хидка (15 милллионнан артык карау) әйләнде һәм әйдәп баручы музыкаль каналлар чарты башында тора.  “Звуковая дорожка-2015” премиясендә "Ел ачышы" номинациясендә җиңүче, Woman.Ru (2014) порталы фаразы буенча "Иң стильле ир-ат", “Oops! Choice Awards-2012” премиясендә “Ел башкаручысы” номинациясе җиңүчесе, «Звезда Вконтакте - Пятый канал» (2012) конкурсында "Иң яхшы хип-хоп проект" номинациясендә җиңүче. 

   

  

  Телетапшыруларда көтелгән кунак, күп кенә журналларның беренче битләрендә аның белән интервьюларны күрергә була.

• Ирек Зиннуров

  Россия ватерполисты, Россиянең атказанган спорт мастеры. Сиднейда Олимпия уеннарында көмеш призер (2000), Афина Олимпиадасында бронза призеры (2004), ирекле игелек уеннар җиңүчесе (Нью-Йорк, 1998), дөнья чемпионатының бронза призеры (Фукуока, 2001), дөнья лигасында җиңүче (Греция, 2002), Дөнья кубогы иясе (Белград, 2002), Европа чемпионатының бронза призеры (Севилья, 1997). “Синтез-Академия” су полосы командасының баш тренеры (Казан).

  

  Казандагы 2013 елгы XXVII Бөтендөнья җәйге Универсиада кысаларында гамәлгә ашырылган “2013 елгы Универсиада илчеләре” программасында катнашучы.

• Катинка Хоссу

  Венгрия йөзүчесе. 50, 100, 200 һәм 400 метрга  ирекле стиль, баттерфляй һәм комплекслы йөзүләрдә махсуслаша. Өч Олимпия уенында катнашкан, алты тапкыр дөнья чемпионкасы, шулай ук дүрт дөнья рекорды куйган йөзүче. Көньяк Калифорния Университетында өйрәнүләр уза. 

   

  

  Эшкә гадәттән тыш сәләтлелеге һәм үзенчәлекле түземлеге өчен 2012 елда Пекинда Дөнья кубогы этабында Катинка Хоссуны “тимер леди” дип атаганнар.  

• Максим Шәрәфетдинов

  Россия журналисты, Беренче каналның телетапшырулар алып баручысы, 2013 елда Беренче каналда “Каланча” (“Вышка”) телевизион проектында катнашучы һәм җиңүче.

  

  Казандагы 2013 елгы XXVII Бөтендөнья җәйге Универсиадасы кысаларында гамәлгә ашырылган “2013 елгы Универсиада илчеләре” программасында катнашучы.

• Мария Киселева

  Россиянең күренекле синхрончысы, атказанган спорт мастеры, өч тапкыр олимпия чемпионкасы, өч тапкыр дөнья чемпионкасы, тугыз тапкыр Европа чемпионкасы, күп тапкырлар Европа һәм дөнья кубоклары иясе, күп тапкырлар Россия чемпионкасы, телетапшырулар алып баручы, актриса, судагы проектлар шоуы авторы.

  

  Казанда 2013 елда узган XXVII Бөтендөнья җәйге универсиадасы кысаларында гамәлгә ашырылган “Универсиада 2013 илчеләре” программасында катнашучы.

• Нюша

  Россия җырчысы. Композитор. Күп тапкырлар музыкаль премияләр һәм фестивальләр лауреаты. 

  

  Нюшаның апасы Мария Шурочкина - Россия синхрончысы, өч тапкыр дөнья чемпионкасы - Казанда узачак Чемпионатта катнашты.

• Орландо Дуке

  Данлыклы колумбия хай-дайверы һәм клифф-дайверы. Ун тапкыр дөнья чемпионы, клифф-дайвинг буенча алты тапкыр Дөнья кубогы җиңүчесе, өч тапкыр Европа чемпионаты җиңүчесе, Red Bull Cliff Diving сериясендә дөнья клифф-дайвингы чемпионы, хай-дайвинг буенча узган ел Казанда узган тарихта беренче Дөнья кубогы җиңүчесе. Орландо 2000 елда барлык судьялардан да иң югары бәяне алуы һәм үзенчәлекле корылмалардан сикерүләре саны буенча дөнья рекорды өчен  Гиннессның рекордлар китабына да ике тапкыр кертелгән. 

  

  Өйрәнүләр уздырыр өчен тиешле биеклектәге каланчаны табу бик кыен булганлыктан, Колумбиядәге үз йортында Орландо 27 метрлы каланчалы бассейн төзегән. 

• Рөстәм Чанышев

  Казандагы «Большой Куш» рок-төркеме лидеры. «Большой куш» төркеме Татарстан Республикасының Россия исеменнән халыкара дәрәҗәдә чыгыш ясау хокукын алган беренче рок-төркеме булды. Global Battle of the Bands 2006 Russia сайлап алу туры җиңүчеләре буларак, төркем әгъзалары Россияне Лондонда узган Global Battle of the Bands 2006 рок-фесттивале финалында тәкъдим иттеләр. 2010 һәм 2011 елларда төркем Emergenza рок фестиваленең тамашачылар тавыш бирүендә җиңүче булды. 2011 елның ноябрендә Yatalant сайтында Meet and Greet бәйгесендә җиңүче булдылар һәм Санкт-Петербургта MAROON 5 группасы белән шәхсән очраштылар.

  

  2013 елның июнендә “Казанда Универсиада” җыры Игорь Крутой җитәкчелегендә төзелгән Универсиада турындагы иң яхшы җырлар җыентыгына кертелгән.

• Светлана Ромашина

  Россиянең күренекле синхрончысы, өч тапкыр олимпия чемпионкасы, 17 тапкыр дөнья чемпионкасы, 7 тапкыр Европа чемпионкасы. Наталья Ищенко белән дуэтта чыгыш ясый, шулай ук 2012 елда Лондонда узган Олимпия уеннарыннан соң соло чыгышлар ясый. Соңгы ике алтын медален дөнья чемпионкасы 2015 елда Казанда алды. 

   

  

  4,5 минутка тынын кысып тора ала.

• Тимур Батрутдинов

  Комедия жанры актеры, телевидение алып баручысы.  ТНТ каналындагы Comedy Club резиденты.

  

  Йөзү буенча 2 нче зурлар дәрәҗәсенә ия.

• Эльмира Кәлимуллина

  Россия җырчысы, Татарстан Республикасының атказанган артисты, Беренче каналда узган “Голос” музыкаль телевизион шоу финалисты. Россиянең “көмеш” тавышы исеменә лаек булды. “Страна поющего соловья” бәйгесе гран-прие иясе.  

  

  2013 елда Казанда узган XXVII Бөтендөнья җәйге универсиадасы кысаларында гамәлгә ашырылган “Универсиада 2013 илчеләре” программасында катнашкан.