Лицензияләү программасы

Оештыручысы “Спорт проектлары башкарма дирекциясе” Коммерцияле булмаган автоном оешмасы булган Казандагы 2015 елгы Су спорт төрләре буенча 16 нчы ФИНА дөнья чемпионатын һәм «Мастерс» категориясендәге Казандагы 2015 елгы Су спорт төрләре буенча 16 нчы ФИНА дөнья чемпионаты уздыру кысаларында Лицензияләү программасы эшләнде.

Әлеге программа югары сыйфатлы һәм кулай бәягә 2015 елгы ФИНА дөнья чемпионаты символикасы төшерелгән лицензияле продукция җитештерүгә юнәлдерелгән.

Кызыксынган юридик затлар һәм шәхси эшмәкәрләр 2015 елгы ФИНА дөнья чемпионаты символикасы төшерелгән товарлар җитештерү максатыннан, 2015 елгы ФИНА дөнья чемпионаты символикасын куллануны рөхсәт итә торган лицензия килешүе төзеп, Дирекциягә мөрәҗәгать итә алалар.

Программаның төп бурычлары

• Уңай образ формалаштыру һәм лицензияле товарларга ихтыяҗны һәм көндәшлеккә сәләтлелекне үстерү;
• Россиядә һәм Татарстанда кече һәм урта бизнес производствосын модернизацияләүне стимуллаштыру;
• Эре халыкара спорт чарасында катнашу кысаларында илнең һәм республиканың эчке базарларын үстерү.

Программада катнашучыларга таләпләр

• Үз базар сегментында 3 елдан да ким булмаган уңышлы эш тәҗрибәсе;
• Аста күрсәтелгән категорияләргә туры килерлек товарлар җитештерү.

Программада катнашучылар

• Россиянең кече һәм урта бизнес предприятиеләре;
• Ваклап һәм күпләп-ваклап сату челтәрләре предприятиеләре;
• Төбәк иҗтимагый берләшмәләре, профессиональ союзлар, кулланучылар җәмгыятьләре.