Казанда узган Россия чемпионатының икенче көне берничә рекорд китерде

Россия чемпионатының икенче көнендә 10 комплект медаль уйнатылды.

Ир-атлар 50 шәр метрдан 4 кеше комплекс

1. Игорь Сорокин/Антон Чупков/Евгений Коротышкин/Артем Лобузов (Мәскәү) – 1:36.57

2. Роман Михайлов/Руслан Григорьев/Кирилл Киселев/Александр Андреев (Санкт-Петербург) – 1:36.64

3. Денис Коваленко, Кирилл Стрельников, Роман Рыбин, Михаил Украинский (Волгоград өлкәсе) – 1:36.97

… 7. Владислав Тазов, Тимур Галимҗанов, Никита Королев, Александр Красных (Татарстан Республикасы) – 1:39.85

Ир-атлар 400 метр комплекс

1. Семен Макович, Самара өлкәсе – 4:03.91 Россия рекорды

2. Александр Тихонов, Мәскәү – 4:05.56

3. Даниил Пасынков, Мәскәү – 4:08.28

Семен Макович Казанда икенче ел рәттән рекордлар куя - 2013 елда ул юниорлар арасында рекордсмен булса, 2014 елда зурлар арасында булды. Ул дөнья чемпионаты нормативын үтәде.

- Үз нәтиҗәләремнән мин бик канәгать. Сезон әллә ни яхшы булмаса да, бу турнирга җыелып, тренер белән яхшы эшләдек һәм нәтиҗә бар. Секундларымны яхшырту өстендә эшләячәкмен. Запас бар, шулай ук төзәтәсе хаталар да бар, - диде чемпион чыгышыннан соң.

Хатын-кызлар 50 метр брасс

1. Валентина Артемьева, Новосибирск өлкәсе – 30.53

2. Наталья Иванеева, Волгоград өлкәсе – 30.55

3. Софья Сподаренко, Төмән өлкәсе – 30.93 Россиянең яшүсмерләр рекорды

Катнашучыларның берсе дә дөнья чемпионаты нормативын үти алмады.

Ир-атлар 100 метр аркада

1. Станислав Донец, Ульяновск өлкәсе – 51.20

2. Павел Космынин, Волгоград өлкәсе – 51.57

3. Антон Бутымов, Коми Республикасы – 51.63

Ике ел өзеклектән соң дөнья чемпионы Станислав Донец беренче зур стартка чыкты. Ярышта иң яхшы нәтиҗә күрсәтсә дә, нормативка сыешмады ул. Ә бит ярымфиналда дөнья чемпионатына сайлап алулар өчен кирәкле саннарны җыя алган иде.

- Стартларсыз узган ике ел үзен сиздерә. Бераз дулкынланганмындыр да. Нормативка килгәндә, борчылмыйм. Моннан бер ай тирәсе элек узган Идел буе чемпионатында мин акрынрак йөзгән идем, шулай булгач, нәтиҗә күренеп тора. Дохада секундлар яхшырак буласына ышанам, - диде Донец.

Хатын-кызлар 100 метр аркада

1. Дарья Устинова, Свердловск өлкәсе – 58.15

2. Полина Лапшина, Свердловск өлкәсе – 58.49

3. Маргарита Нестерова, Белгород өлкәсе – 58.77

Дарья Устинова дөнья чемпионатының зурлар нормативына сыешмады, әмма юниорларныкын үтәде.

Ир-атлар 100 метр брасс

1. Олег Костин, Нижегород өлкәсе – 57.19

2. Кирилл Пригода, Санкт-Петербург – 57,65

3. Андрей Николаев, Калуга өлкәсе – 57.92

- Россия рекордына чак кына җитми калды. Зыян юк, дөнья чемпионатында барысы да барып чыгар дип өметләнәм. Дистанция барышында бераз ялгыштым. Болай нәтиҗә яхшы, әмма тагын да тизрәк йөзәсе килгән иде, - диде нормативка сыешкан Костин.

Ир-атлар 100 метр баттерфляй

1. Евгений Коротышкин, Мәскәү – 50.10

2. Сергей Фесиков, ЯНАО – Пенза өлкәсе – 50.55

3. Никита Коновалов, Волгоград өлкәсе – 50.93

Берьюлы ике спортчы дөнья чемпионаты нормативын үти алды.

Хатын-кызлар 800 метр ирекле стиль

1. Валерия Саламатина, Свердловск өлкәсе – 8:26.13 Россиянең яшүсмерләр рекорды

2. Анастасия Иваненко, Коми Республикасы– 8:28.85

3. Елизавета Горшкова, Мәскәү – 8:30.84

Саламатина, 7 секундка яхшыртып, Россиянең яшүсмерләр рекордын куйды, әмма нормативны башкарырга бу җитмәде.

Ир-атлар 200әр метрдан 4 кеше ирекле стиль

1. Мәскәү (Артем Лобузов, Даниил Пасынков, Дмитрий Ермаков, Михаил Полищук) – 7:02.36

2. Санкт-Петербург (Евгений Айзетуллов, Елисей Степанов, Антон Скуднов, Александр Федоров) - 7:06.08

3. Волгоград өлкәсе (Степан Сурков, Евгений Королюк, Михаил Украинский, Дмитрий Боканхель) – 7:07.82

Катнаш 50шәр метрдан 4 кеше комплекс

1. Санкт-Петербург (Екатерина Андреева, Кирилл Пригода, Анастасия Лязева, Олег Тихобаев) – 1:40.77 Россия рекорды

2. Мәскәү (Александра Папуша, Антон Чупков, Евгений Коротышкин, Розалия Насретдинова) – 1:41.32

3. Пенза өлкәсе (Виталий Борисов, Мария Асташкина, Сергей Фесиков, Виктория Адреева) – 1:42.15

Дүшәмбе көнне Россия чемпионатында 11 финал узачак.

Су спорт төрләре буенча 16 нчы ФИНА дөнья чемпионаты оештыру комитеты матбугат хезмәте