Яңалыклар

Су спорт төрләре буенча 16 нчы ФИНА дөнья чемпионатында ир-атлар арасында баттерфляй белән 50 метрга йөзү финалы төгәлләнде.

Су спорт төрләре буенча 16 нчы ФИНА дөнья чемпионатында хатын-кызлар арасында баттерфляй белән 100 метр арага финал ярышы тәмамланды.

Казандагы Су спорт төрләре буенча 16 нчы ФИНА дөнья чемпионаты кысаларында ир-атлар арасында 100 метр арага брасс белән йөзү финалы тәмамланды.

Казанда Су спорт төрләре буенча Дөнья чемпионатында Америка йөзүчесе Кэти Ледеки 1500 метр дистанциягә ирекле стиль белән йөзү буенча дөнья рекордын куйды. Әлеге дистанциядә Ледеки 15 минут 27,71 секунд вакыт күрсәтте. Алдагы рекорд та аныкы иде – 15 минут 28,36 секунд. Аны Ледеки 2014 елның 24 августында Австралиядә куйды.

Су спорт төрләре буенча 16 нчы ФИНА дөнья чемпионатында йөзү буенча Мьянма җыелма командасыннан бары өч спортчы катнаша, шуларның берсе җәмәгатьчелекнең игътибарын стартка кадәр үк җәлеп итте. Эш халыкара чыгышларда тупланган бай тәҗрибәдә түгел биредә. Аңа булган игътибарны йөзүченең әле яшь булуы арттырды. Ат Кхунг Тчуга бары 12 яшь, шул сәбәпле ул ДЧ-2015тә катнашучы ир-атлар арасында иң яшь спортчы булып санала.

Күрсәткечләре нинди булуга карамастан, Алазин Тарек Су спорт төрләре буенча 16 нчы дөнья чемпионаты елъязмасына кереп калачак. Үзе яраткан йөзү төрендә ул әлеге Чемпионатның рекордын стартка кадәр куя алды. Эш шунда, Бәһрәйн милли командасының вәкиле төп халыкара акватика турнирының иң яшь катнашучысы булып тора. Кечкенә Алазинга хәзер 10 яшь. Әмма кыз үзен яклый да, әңгәмәдәшен үз яшенә хас булмаган төпле җаваплары белән шаккатыра да ала. Оештыру комитетының матбугат хезмәте спорт күзәтүчесе моның шулай икәненә инанды.

Су спорт төрләре буенча 16 нчы ФИНА дөнья чемпионатында хатын-кызлар арасында йөзү буенча беренче алтын медальне яулаган Кэти Ледеки ирекле стиль белән 400 метр дистанциядә җиңгәннән соң журналистларның сорауларына җавап бирде.

Швед спортчысы Сара Шёстрем Казандагы Су спорт төрләре буенча дөнья чемпионатында 100 метрга баттерфляй стиле белән йөзү буенча ярымфиналда бөтендөнья рекордын яңартып, җиңү яулады.