Яңалыклар

Синхрон йөзү буенча өч тапкыр Олимпия чемпионкасы Ольга Брусникина Су спорт төрләре буенча 16 нчы ФИНА дөнья чемпионаты матбугат хезмәтенең спорт күзәтүчесе белән әңгәмәдә үзенең ярышлардан алган хис-тойгылары белән уртаклашты, микст-дуэтлар дебютчылары һәм Наталья Ищенконың триумфаль кире кайтуы турында сөйләде.

Су спорт төрләре буенча 16 нчы ФИНА дөнья чемпионатында җиңүчеләр һәм призерлар синхрон йөзүдә катнаш чыгышлар йомгаклары буенча журналистлар сорауларына җавап бирделәр.

Синхрон йөзүдә Россия җыелма командасы кушма программа белән команда чыгышында Дөнья чемпионнары титулын яклады. Бу спорт төрендә медальләр уйнатуның соңгы көнендә бассейн хуҗалары 98, 3000 балл туплап, көндәшләренә җиңү яулау өчен бер генә мөмкинлек тә калдырмадылар.

Бик арыганнар, тик шулай да бәхетлеләр — ирекле программада командалар бәйгесендә гамәлдәге Дөнья чемпионы исемен янә саклап калган Россиянең синхрон йөзүче кызларын әнә шул сүзләр белән тасвирларга мөмкин булыр иде. Ник Кейв һәм Уоррен Эллис музыкасына куелган "Мольба" композициясе өчен россиялеләр 98 дән күбрәк балл алдылар. Кытай спортчы кызлары икенче булды, ә бронза медаль японнарга эләкте. Матбугат конференциясендә спортчы кызлар, елмаюлы йөзләрен балкытып, журналистларга үз программаларындагы серләр турында гына түгел, нинди ризыкка өстенлек бирүләре хакында да сөйләделәр.

Синхрон йөзү буенча Россия җыелма командасы үзенең ирекле программасы белән команда чыгышында гамәлдәге Дөнья чемпионкалары титулын ныгытты. Планета беренчелегендә бассейн хуҗалары 98, 4667 балл җыйдылар. Бу әлеге дисциплинада иң әйбәт нәтиҗә булды.

Ирекле программа Россиянең катнаш дуэтына 91.7333 баллык нәтиҗә һәм алтын медаль, ә Су спорт төрләре буенча 16 нчы ФИНА дөнья чемпионаты җанатарларына синхрон йөзү төренең бик тиздән нинди булачагы турында күзаллаулар алып килде.

Су спорт төрләре буенча 16 нчы ФИНА Дөнья чемпионаты кысаларында трибуналар беренче тапкыр микст-дуэтларны күргән тарихи көнне онытырга мөмкинме соң? Бүген исә катнаш парлар бассейнга ир-ат көчен һәм хатын-кыз нәфислеген ирекле программада күрсәтер өчен җыелганнар иде.

Түгәрәк 100гә җитү өчен Россия дуэтына судьялардан бары 2дән кимрәк балл җитмәгән. Наталья Ищенко һәм Светлана Ромашина үзләренең дуэттагы ирекле программалары белән синхрон йөзүдә алтын медаль алдылар.