Яңалыклар

Биш тапкыр Олимпия уеннары призеры, Су спорт төрләре буенча 16 нчы ФИНА дөнья чемпионатында баттерфляй белән 200 метр дистанциягә йөзү буенча алтын медаль яулаган Венгрия йөзүчесе Ласло Чех оештыру комитеты журналистларына ярышлардан алган хисләре турында сөйләде һәм киләчәккә планнары белән уртаклашты.

Катинка Хоссу – Казандагы Дөнья чемпионаты Илчесе генә түгел, ә исемен бөтен трибуналар ятлап бетергән танылган спорчы – ул күп тапкыр Дөнья, Европа һәм Венгрия чемпионы. Мөгаен, ул икенче исемгә – “алтын медаль” исеменә лаеклыдыр, әмма журналистлар аны “корыч леди” дип йөртәләр. Аның алдагы барлык йөзешләре дә 400 метрга комплекслы йөзү буенча искиткеч чыгышына әзерлек булган, анда спортчы кыз алтын медаль яулады.

Кичә Россия телевединиесенең популяр алып баручысы ФИНА паркында булды. Ул күптән түгел генә башка төбәктән килгән, шуңа күрә Чемпионат ярышларын карый алмаган. Чурикова алдагы көндә аерылып торган волонтерларны бүләкләде һәм Су спорт төрләре буенча ФИНА дөнья чемпионатын ябу тантанасына китте.

Дайя Сето 400 метрга комплекслы йөзүдә Дөнья чемпионкасы статусын яклады. Спортчы Япония милли җыелма командасы составында ике ел элек беренче тапкыр Барселонада узган Дөнья чемпионатында катнашкан һәм шунда ук алтын медаль дә алган иде. Бүген ул финишка 4 минут та 08.50 секундлы нәтиҗә белән, үзенең узгандагы нәтиҗәсен берникадәр яхшыртып килде. Дистанциядәге уңышларына килгәндә – йөзүченең коллекциясендә 3 ел элек Истанбулда кыска суда йөзү буенча Дөнья чемпионаты алтын медале һәм узган ел җәйге Азия уеннары вакытында алынган бронза медале бар.

Су спорт төрләре буенча 16 нчы ФИНА дөнья чемпионаты төгәлләнде. Ябылу тантанасының искиткеч шоуы тамашачылар күңелендә озакка уелып калачак!

Су спорт төрләре буенча 16 нчы ФИНА дөнья чемпионаты ябылышы тантанасында югары вәкаләтле затлар – РФ Премьер-министры Дмитрий Медведев, Су спорт төрләре буенча ФИНА Халыкара федерациясе президенты Доктор Хулио Маглионе, Венгрия Премьер-министры Виктор Орбан, ТР Президенты вазифаларын вакытлыча башкаручы Рөстәм Миңнеханов катнашты.

8 нче финал йөзеше ахырына якынлашты, аның белән беррәттән Су спорт төрләре буенча 16 нчы ФИНА дөнья чемпионаты да төгәлләнде. 4х100 дистанциягә комплекслы йөзү эстафетасында дөньяның иң әйбәт спортчы кызлары ярышты.

Әлеге минутларда Су спорт төрләре буенча 16 нчы ФИНА дөнья чемпионаты кысаларында соңгы ярыш көненең 7 нче финал йөзеше тәмамланды. Ир-атлар арасында 4х100 дистанциягә комплекслы йөзү эстафетасында дөньяның иң әйбәт 8 җыелма командасы ярышты.